पाचगणी येथे संत गाडगे महाराज जयंती उत्साहात साजरी
पाचगणी(प्रवीण घाडगे ):पाचगणी येथे संत गाडगे महाराज यांची जयंती मोठ्या उत्साहात आणि भक्तिभावाच्या वातावरणात साजरी करण्यात आली. सामाजिक स्वच्छता, अंधश्रद्धा निर्मूलन आणि समाजप्रबोधनाचा संदेश देणाऱ्या संत गाडगे महाराजांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.
यावेळी शेखर भिलारे, नितीन वन्ने, मंगेश यादव, संजय वन्ने, गजानन कासुर्डे, अशोक घाडगे, उत्तम कांबळे, नितीन वैराट, रमेश माने, प्रमोद माने, जगन माने, अभिनव माने, संदीप माने, ऋतुराज माने, अनिल माने आदी मान्यवर उपस्थित होते. तसेच सौ. शिल्पा माने (नगरसेविका, पाचगणी गिरिस्थान नगरपालिका), नंदिनी बुटाला, जानवी यादव, सुनंदा माने, प्राची माने, नंदिनी माने, स्नेहल माने, दीक्षा माने, वैशाली माने, संध्या माने, रंजना माने, सुरेखा माने, रेणुका माने, शारदा माने, अविनाश माने, नेहा माने, भारती माने, शारदा वाघमारे यांच्यासह पाचगणी भजनी मंडळाचे सदस्य मोठ्या संख्येने सहभागी झाले होते.
भजन-कीर्तन, संतवाणी आणि समाजप्रबोधनपर विचारांच्या माध्यमातून संत गाडगे महाराजांचे कार्य व जीवनचरित्र उपस्थितांसमोर मांडण्यात आले. स्वच्छता आणि सामाजिक बांधिलकीचा संदेश देत त्यांच्या विचारांचा वारसा पुढे नेण्याचा संकल्प यावेळी करण्यात आला.
कार्यक्रमामुळे परिसरात भक्तिमय वातावरण निर्माण झाले असून नागरिकांनी मोठ्या उत्साहात सहभाग नोंदवला.
