शेखर गोरे १ सप्टेंबरला शिवसेनेत प्रवेश करणार; माण-खटावच्या राजकारणात नवे समीकरण
सातारा : सातारा जिल्हा मध्यवर्ती सहकारी बँकेचे संचालक व ग्रामविकास मंत्री जयकुमार गोरे यांचे बंधू शेखर गोरे १ सप्टेंबर रोजी उपमुख्यमंत्री एकनाथ शिंदे यांच्या उपस्थितीत शिवसेनेत (शिंदे गट) प्रवेश करणार आहेत. मुंबईत हा पक्षप्रवेश होणार आहे.
मागील विधानसभा निवडणुकीत जयकुमार गोरे यांच्या विजयात शेखर गोरे यांनी महत्त्वाची भूमिका बजावली होती. मात्र, विधान परिषद निवडणुकीच्या पार्श्वभूमीवर दिलेले आश्वासन पूर्ण न झाल्याने ते भाजपवर नाराज असल्याचे सांगितले जाते. या नाराजीतून त्यांनी शिवसेनेत जाण्याचा निर्णय घेतला आहे.
शेखर गोरे यांच्या पक्षप्रवेशामुळे माण-खटावच्या राजकारणात नव्या राजकीय समीकरणांना सुरुवात होण्याची शक्यता असून, आगामी स्थानिक स्वराज्य संस्थांच्या निवडणुका आणि जिल्हा बँकेच्या राजकारणावरही त्याचा परिणाम होण्याची शक्यता आहे.
