मुख्यमंत्री रोजगार निर्मिती कार्यक्रम योजनेचा लाभ घेण्याचे आवाहन
सातारा दि.11 : शहरी व ग्रामीण क्षेत्रातील सुशिक्षित बेरोजगार युवक युवतींची वाढती संख्या व उद्योग, व्यवसाय क्षेत्रात राज्यात विविध क्षेत्रात उपलब्ध होत असलेल्या स्वयंरोजगार व रोजगाराच्या नवीन संधी विचारात घेऊन उद्योजकतेला चालना देणारी व सर्जनशिलतेला कालानुरुप वाव देणारी सर्वसमावेशक मुख्यमंत्री रोजगार निर्मिती कार्यक्रम योजना राबविण्यात येत आहे. तरी या योजनेचा लाभ घ्यावा, असे आवाहन जिल्हा उद्योग केंद्राकडून करण्यात आले आहे.
प्रक्रिया व निर्मिती प्रकल्पांसाठी कमाल रु. 100 लक्ष व सेवा उद्योग प्रवर्गातील प्रकल्पांसाठी रु. 50 लक्ष योजनेअंतर्गत प्रकल्प किंमत मर्यादा असणार आहे. सर्वसाधारण अर्जदाराचे कमीत कमी 18 वर्षे पूर्ण असावे. शिक्षण 8 वी पास आवश्यक आहे. ही योजन व्यक्तीक, भागिदारी, वित्तीय संस्थांनी मान्यता दिलेले बचत गट / संस्था सोसायटी / स्वयंसहाय्यता बचत गट नविन उद्योगासाठी योजना लागू आहे. कुटूंबातील एक व्यक्तीस (पती किंवा पत्नी) लाभ घेता येईल. इच्छुकांनी अर्ज करण्यासाठी www.maha-cmegp.gov.in या संकेतस्थळावर करावा. अधिक माहितीसाठी महाव्यवस्थापक, जिल्हा उद्योग केंद्र, फुलोरा हॉटेल जवळ, कामगार वसाहत जुनी एमआयडीसी, सातारा, ता दुरध्वनी क्र. 02162-244655, ई-मेल-didic.satara@maharashtra.gov.in येथे संपर्क करावा.
