श्याम सेल्स इलेक्ट्रॉनिक्स अँड मोबाईलचा पाचवा वर्धापन दिन उत्साहात
सातारा : सर्व इलेक्ट्रॉनिक्स आणि मोबाईल्ससाठी ग्राहकांचे हक्काचे दालन म्हणून ओळखल्या जाणाऱ्या श्याम सेल्स इलेक्ट्रॉनिक्स अँड मोबाईल शॉपी, विसावा नाका, साताराचा पाचवा वर्धापन दिन उत्साहात साजरा करण्यात आला.
सॅमसंग, हायर, व्हर्लपूल, एलजी यांसह विविध नामवंत कंपन्यांच्या होम अप्लायन्सेस आणि मोबाईल्सची उत्पादने ऑनलाइन बाजारपेठेपेक्षाही माफक दरात उपलब्ध करून देण्यासोबतच उत्कृष्ट ग्राहकसेवेसाठी श्याम सेल्सने सातारा शहरात आपली वेगळी ओळख निर्माण केली आहे.
पाचव्या वर्धापन दिनानिमित्त ग्राहकांसाठी विविध आकर्षक ऑफर्स जाहीर करण्यात आल्या आहेत. या ऑफर्सचा ग्राहकांनी लाभ घ्यावा, असे आवाहन श्याम सेल्सचे डायरेक्टर प्रशांत घोरपडे आणि श्याम सेल्स परिवाराच्या वतीने करण्यात आले आहे.
दरम्यान, श्याम सेल्सच्या पाचव्या वर्धापन दिनानिमित्त सातारा जिल्हा परिषद उपाध्यक्ष राजू भोसले, नगरसेवक रवींद्र ढोणे यांनी शॉपीला सदिच्छा भेट देऊन श्याम सेल्स परिवाराला शुभेच्छा दिल्या. यावेळी त्यांनी श्याम सेल्सच्या पाच वर्षांच्या यशस्वी वाटचालीचे कौतुक केले. ग्राहकांना दर्जेदार उत्पादने, माफक दर आणि उत्कृष्ट सेवा देण्याचे काम श्याम सेल्सकडून सुरू असल्याचे त्यांनी नमूद केले.
वर्धापन दिनानिमित्त सातारा शहरातील अनेक नामवंत उद्योजक, राजकीय पदाधिकारी तसेच ग्राहकांनी श्याम सेल्स शॉपीला भेट देऊन प्रशांत घोरपडे आणि श्याम सेल्स परिवारावर शुभेच्छांचा वर्षाव केला.
यावेळी श्याम सेल्सचे डायरेक्टर प्रशांत घोरपडे यांच्यासह श्याम सेल्स परिवार उपस्थित होता. ग्राहकांनी गेल्या पाच वर्षांत दिलेला विश्वास आणि मिळालेला प्रतिसाद हीच श्याम सेल्सच्या यशाची खरी ताकद असल्याचे यावेळी सांगण्यात आले.
