नेवासेचा शिवम लोहकरेने नीरज चोप्राचा विक्रम मोडला – इंटर सर्व्हिसेस अॅथलेटिक्स स्पर्धेत सुवर्णपदक
अहमदनगर जिल्ह्यातील नेवासे तालुक्यातील सोनई (गणेशवाडी) येथील भूमिपुत्र शिवम लोहकरे याने इंटर सर्व्हिसेस अॅथलेटिक्स चॅम्पियनशिप २०२५ मध्ये ८४.३१ मीटर भालाफेक करत सुवर्णपदक पटकावले. या कामगिरीमुळे त्याने ऑलिंपिक सुवर्णविजेता नीरज चोप्राचा २०१८ मधील ८३.८० मीटरचा विक्रम मोडून नवा इतिहास घडवला.
या शानदार कामगिरीनंतर जिल्ह्यात व तालुक्यात आनंदाचे वातावरण निर्माण झाले असून, स्थानिक क्रीडाप्रेमी व ग्रामस्थांनी शिवमचे अभिनंदन केले. या यशामुळे महाराष्ट्राच्या क्रीडा क्षेत्राला नवी ऊर्जा मिळाली असून, राष्ट्रीय पातळीवरही या कामगिरीची दखल घेतली जात आहे.
