शुभांशू शुक्ला अखेर पृथ्वीवर परतले
भारतीय पायलट शुभांशु शुक्ला आणि अॅक्सिऑम-4 च्या इतर सदस्यांसाठी आजचा दिवस अत्यंत महत्त्वाचा ठरला आहे. नासाच्या स्पेसएक्स ड्रॅगन यानाने आज दुपारी 3 वाजता सॅन डिएगोच्या किनाऱ्याजवळील प्रशांत महासागरात यशस्वीपणे उतरणे पार पाडले. यान पृथ्वीच्या वातावरणात प्रवेश करताना क्षणिक ध्वनीस्फोटाची अनुभूतीही निर्माण झाली, असे स्पेसएक्सकडून सांगण्यात आले.
अॅक्सिऑम-4 मोहिमेचा एक भाग म्हणून शुभांशु शुक्ला यांनी अमेरिकन अंतराळवीर कमांडर पेगी व्हिटसन, तसेच मिशन स्पेशालिस्ट स्लावोस उझनान्स्की-व्हिश्निव्ह्स्की आणि टिबोर कापू यांच्यासोबत कार्य केले. त्यांनी 14 जुलै रोजी पहाटे 4:15 वाजता आंतरराष्ट्रीय अंतराळ स्थानक (ISS) सोडले होते आणि आज त्यांचा प्रवास यशस्वीरीत्या संपन्न झाला.
