ज्ञानशीला प्ले स्कूल हे संस्काराचे ज्ञान केंद्र आहे – विलासराव पाटील
ज्ञानशीला प्ले स्कूल म्हणजे संस्काराचे ज्ञान केंद्र आहे, असे प्रतिपादन रोटरी शिक्षण संस्था मलकापूरचे प्रमुख विलासराव पाटील पोतलेकर यांनी केले. ते ज्ञानशीला प्ले स्कूलच्या वार्षिक पारितोषिक वितरण समारंभात बोलत होते.
यावेळी क्रीडा प्रशिक्षक अर्जुन कळंबे, पांडुरंग कदम, लक्ष्मण कणसे, संतोष मोरे, स्कूल प्रमुख वैशाली मोरे, स्नेहल पाटील यांची प्रमुख उपस्थिती होती. ते पुढे म्हणाले, या शाळेत ३ वर्षे वयोगटासाठी ‘नर्सरी’, ४ वर्षे वयोगटासाठी ‘ज्युनिअर केजी’ आणि ५ वर्षे वयोगटासाठी ‘सिनिअर केजी’ असे वर्ग असून, गुणवंत व तज्ज्ञ शिक्षकांमार्फत शालेय तसेच सहशालेय उपक्रमांच्या माध्यमातून विद्यार्थ्यांना जीवनकौशल्याचे शिक्षण दिले जाते. विशेष म्हणजे येथे विद्यार्थ्यांना फक्त शिक्षणाचे धडेच नाही तर सर्वगुण संपन्न व्यक्ती घडविण्याचे कार्यही केले जाते. त्यामुळेच तांबवे व सुपने परिसरातील १५ गावांतील विद्यार्थी येथे शिक्षण घेत आहेत.
अर्जुन कळंबे म्हणाले येथे विद्यार्थी दाखल झाल्यास तो जगाच्या कोणत्याही स्पर्धेत टिकण्याची शाश्वत हमी दिली जाते. त्यामुळे आपल्या पाल्याला संस्कारक्षम आणि गुणवत्तापूर्ण शिक्षणासाठी ज्ञानशीला प्ले स्कूल ला पालकांचा प्रतिसाद मिळत आहे.लक्ष्मण कणसे, स्नेहल पाटील तसेच पालक प्रतिनिधींनीही आपली मनोगते व्यक्त केली.
कार्यक्रमाचे प्रास्ताविक स्कूल प्रमुख वैशाली मोरे यांनी केले, तर आभार प्रदर्शन पल्लवी पाटील यांनी व्यक्त केले. या कार्यक्रमाला मोठ्या संख्येने पालक उपस्थित होते.
