मंजू इन्स्टिट्यूट ऑफ हॉटेल मॅनेजमेंट, सातारा येथील विद्यार्थ्यांची मॉरिशसमध्ये प्रशिक्षणासाठी निवड
सातारा प्रतिनिधी -सातारा येथील मंजू इन्स्टिट्यूट ऑफ हॉटेल मॅनेजमेंट या नामांकित संस्थेतील ८ विद्यार्थ्यांची मॉरिशस येथे आंतरराष्ट्रीय प्रशिक्षणासाठी निवड झाली आहे. या उल्लेखनीय यशामुळे संस्थेसह संपूर्ण परिसरात आनंदाचे वातावरण निर्माण झाले आहे.
निवड झालेल्या विद्यार्थ्यांची नावे पुढीलप्रमाणे आहेत
विनीत जाधव, विराज शेडगे, अपूर्वा खटावकर, श्रेयस आवळे, साद अन्सारी, प्रेम जाधव, सक्षम बारगे.हे सर्व विद्यार्थी अभ्यासात तसेच प्रात्यक्षिक प्रशिक्षणात नेहमीच आघाडीवर राहिले आहेत. त्यांच्या मेहनती, जिद्दी आणि प्राध्यापकांच्या योग्य मार्गदर्शनामुळे त्यांना ही सुवर्णसंधी प्राप्त झाली आहे. मॉरिशस येथे होणाऱ्या या प्रशिक्षणामध्ये त्यांना आंतरराष्ट्रीय हॉटेल व्यवस्थापन, आधुनिक तंत्रज्ञान आणि व्यावसायिक कौशल्यांचा मौल्यवान अनुभव मिळणार आहे.
संस्थेचे प्राचार्य आणि प्राध्यापकांनी विद्यार्थ्यांचे कौतुक करत सांगितले की, “ही निवड आमच्या संस्थेसाठी अभिमानाची बाब आहे. विद्यार्थ्यांनी केलेल्या मेहनतीमुळेच हे यश शक्य झाले आहे.”
विद्यार्थ्यांच्या कुटुंबीयांनी आनंद व्यक्त करत त्यांच्या उज्ज्वल भविष्यासाठी शुभेच्छा दिल्या आहेत. तसेच, स्थानिक नागरिकांनीही अभिनंदन करून पुढील वाटचालीसाठी शुभेच्छांचा वर्षाव केला आहे.या यशामुळे इतर विद्याथ्यांमध्येही प्रेरणा निर्माण झाली असून, आंतरराष्ट्रीय स्तरावर प्रगती करण्याची उमेद वाढली आहे.
