डॉ. बाबासाहेब आंबेडकर यांना जयंतीनिमित्त नगर वाचनालयात अभिवादन
सातारा (प्रतिनिधी)- येथील श्रीमंत छत्रपती प्रतापसिंह महाराज थोरले नगरवाचनालयात आज भारतीय राज्यघटनेचे शिल्पकार महामानव डॉ. बाबासाहेब आंबेडकर यांना त्यांच्या जयंतीनिमित्त नगर वाचनालयाचे अध्यक्ष अमित कुलकर्णी, कार्यवाह सौ. वैदेही कुलकर्णी, संचालक जयंत देशपांडे, डॉ. राजेंद्र माने यांच्या उपस्थितीत अभिवादन करण्यात आले.
यावेळी डॉ आंबेडकरांचे कार्य, समरसतेची त्यांची भूमिका, त्यांचा वाचन व्यासंग, संविधानाचे महत्व आदी पैलूंविषयी उपस्थितांनी विचार व्यक्त केले. कार्यक्रमाला सुषमा भिडे, अनिल वीर, सहायक ग्रंथपाल उल्का शिंदे, विष्णू धावडे, विजय दळवी तसेच अभ्यासिकेतील विद्यार्थी व नागरिक उपस्थित होते.
