साताऱ्यात ‘हिरकणी महोत्सव २०२६’चा भव्य शुभारंभ
सातारा प्रतिनिधी -हिरकणी महोत्सव २०२६ या राज्यस्तरीय महोत्सवाचे साताऱ्यात भव्य आयोजन करण्यात आले आहे. शैक्षणिक, सामाजिक व सांस्कृतिक क्षेत्राला चालना देणारा हा महोत्सव नागरिकांसाठी मोठे आकर्षण ठरणार आहे.
या महोत्सवात १५० हून अधिक बचत गट व महिला उद्योजिकांचे स्टॉल्स उभारण्यात येणार असून, महिलांच्या कौशल्यांना आणि उद्योजकतेला प्रोत्साहन देण्याचा हा एक महत्त्वपूर्ण उपक्रम आहे. खरेदी, खाद्यपदार्थ आणि सांस्कृतिक कार्यक्रमांचा संगम या ठिकाणी अनुभवायला मिळणार आहे.
महोत्सवातील प्रमुख आकर्षणांमध्ये करिअर मार्गदर्शन स्टॉल्स, डान्स फेस्टिव्हल, फॅशन रनवे, लाईव्ह म्युझिक कॉन्सर्ट, महाराष्ट्राची साम्राज्ञी फॅशन शो, फेसबुक सातारा कल्चरल शो, हिप हॉप सातारा, लावणी शो तसेच सेलिब्रिटींची उपस्थिती यांचा समावेश आहे. मुलांसाठी विशेष गेम झोन देखील तयार करण्यात आला आहे.
या महोत्सवाचे उद्घाटन छत्रपती शिवेंद्रसिंहराजे भोसले आणि छत्रपती उदयनराजे भोसले यांच्या हस्ते होणार असून, विविध क्षेत्रातील मान्यवर उपस्थित राहणार आहेत.या कार्यक्रमाचे आयोजन सामाजिक क्षेत्रात कार्यरत जयश्री शेलार यांनी केले असून, सक्सेस अबॅकसचे किरण पाटील यांचे विशेष सहकार्य लाभले आहे.
सातारा व परिसरातील नागरिकांनी मोठ्या संख्येने उपस्थित राहून या महोत्सवाचा आनंद घ्यावा, असे आवाहन आयोजकांकडून करण्यात आले आहे.
