माणुसकीचा ‘सहेरी’! साताऱ्यात ‘खिदमत-ए-खल्क’ संस्थेचा गरजूंसाठी मोफत टिफिन उपक्रम
भुईंज ( पत्रकार महेंद्र (आबा) जाधव )रमजानचा पवित्र महिना म्हणजे केवळ उपवास आणि प्रार्थना नव्हे, तर तो त्याग आणि परोपकाराचा संदेश देणारा काळ आहे. याच भावनेतून सातारा शहरातील ‘खिदमत-ए-खल्क’ सामाजिक संस्थेने यंदाही माणुसकीचे एक आगळेवेगळे उदाहरण समोर ठेवले आहे. साताऱ्यात शिक्षणासाठी, नोकरीसाठी किंवा रुग्णालयात उपचारासाठी आलेल्या गरजूंना रमजानमध्ये पहाटेच्या ‘सहेरी’साठी वणवण फिरावे लागू नये, यासाठी संस्थेमार्फत मोफत टिफिन सेवा सुरू करण्यात आली आहे.
गरजूंसाठी हक्काचा आधार
शहरातील विविध रुग्णालयांमध्ये रुग्णांसोबत असलेले नातेवाईक, शिक्षणासाठी बाहेरगावाहून आलेले विद्यार्थी, नोकरीच्या निमित्ताने राहणारे तरुण आणि मुसाफिर (प्रवासी) यांची सहेरीच्या वेळी होणारी गैरसोय लक्षात घेऊन संस्थेने हे पाऊल उचलले आहे. ‘तुमचा रमजान आमचा रमजान’ हे ब्रीदवाक्य घेऊन ही संस्था गेल्या अनेक वर्षांपासून सातारा शहरात सक्रिय आहे.
अशी आहे टिफिन सेवा
ज्या भाविकांना किंवा गरजूंना सहेरीचा डबा हवा आहे, त्यांनी एक दिवस आधी सकाळी ११ ते संध्याकाळी ६ या वेळेत संस्थेच्या प्रतिनिधीं आरिफ खान यांच्याशी ९२७३९४२४४४ वर संपर्क साधण्याचे आवाहन करण्यात आले आहे. विशेष म्हणजे, हा डबा थेट गरजवंतांच्या पत्त्यावर पोहोचवून देण्याची व्यवस्थाही करण्यात आली आहे. या नियोजनासाठी सादिकभाई शेख, आसिफ खान, सलीम भाई, आसिफ फरास, पिंटूभाई सुतार, हाफिज मुराद साहब आणि आबिद बागवान यांसारखी समर्पित टीम कार्यरत आहे.
डिजिटल युगाची जोड
संस्थेने आपला हा उपक्रम अधिक लोकांपर्यंत पोहोचवण्यासाठी आणि नोंदणी प्रक्रिया सुलभ करण्यासाठी ऑनलाइन फॉर्मची सुविधाही उपलब्ध करून दिली आहे. यातून सामाजिक कार्याला आधुनिकतेची जोड मिळाल्याचे दिसून येत आहे. सातारकरांकडून या स्तुत्य उपक्रमाचे सर्व स्तरांतून कौतुक होत असून, “खिदमत-ए-खल्क” खऱ्या अर्थाने जनसेवेचा वसा जपत असल्याचे चित्र दिसत आहे.
“भुकेला घास आणि गरजूंना आधार, खिदमत-ए-खल्कचा हाच खरा संस्कार!”
“ना जात, ना धर्म, फक्त माणुसकीचे कर्म; साताऱ्यात सहेरीचा अनोखा धर्म!”
“तुमचा रमजान, आमचा रमजान; सेवा हीच आमची खरी ओळख अन् मान!”
संपर्क
सादिकभाई शेख 9545677777
आसिफ खान 9011051234
सलीम भाई (पाळणे वाले) 9503959008
आसिफ फरास 9767313313
पिंटुभाई सुतार 9890361786
हाफिज मुराद साहब 9975131213
अबिद बागवान – 9922949949
