सातारा हॉस्पिटल व इस्माईल मुल्ला लॉ कॉलेजच्या संयुक्त विद्यमाने माहूलीत आरोग्य तपासणी शिबिर
सातारा प्रतिनिधी -सातारा हॉस्पिटल अँड सातारा डायग्नोस्टिक सेंटर तसेच इस्माईल साहेब मुल्ला लॉ कॉलेज यांच्या संयुक्त विद्यमाने एनएसएस श्रम संस्कार शिबिरांतर्गत माहूली (ता. जि. सातारा) येथील ग्रामस्थांसाठी मोफत आरोग्य तपासणी शिबिराचे आयोजन करण्यात आले होते. या शिबिराचा सुमारे १०० पेक्षा अधिक ग्रामस्थांनी लाभ घेतला.
हे शिबिर शनिवार, दिनांक २४ जानेवारी २०२६ रोजी सकाळी १० ते दुपारी २ या वेळेत माहूली येथील श्रीमती आनंदीबाई गिजरे (कृष्णाबाई हॉल) सांस्कृतिक भवनात पार पडले. या तपासणी शिबिरामध्ये रक्तातील साखर तपासणी (BSL), रक्तदाब तपासणी (BP), गरजेनुसार ईसीजी (ECG), नेत्र तपासणी तसेच डॉ. सर्वटे व डॉ. अग्रवाल क्लिनिक यांच्या वतीने अल्प सवलतीच्या दरात चष्मा वाटप करण्यात आले.
या श्रम संस्कार शिबिराच्या यशस्वी आयोजनासाठी इस्माईल साहेब मुल्ला लॉ कॉलेजच्या विद्यार्थ्यांनी विशेष परिश्रम घेतले. यावेळी सातारा हॉस्पिटलच्या वतीने मॅनेजर श्रीकांत देशमुख यांनी आरोग्य व नियमित आरोग्य तपासण्यांचे महत्त्व याबाबत उपस्थितांना मार्गदर्शन केले.
कार्यक्रमाच्या समारोपप्रसंगी प्रा. वाय. एन. देसाई सर, प्रा. जावळे मॅडम तसेच सिनियर विद्यार्थी प्रतिनिधी ऍड. करण भंडारे यांनी सातारा हॉस्पिटलच्या वतीने मोफत आरोग्य व नेत्र तपासणी शिबिर आयोजित केल्याबद्दल मॅनेजिंग डायरेक्टर डॉ. सुरेश शिंदे, उपस्थित डॉक्टरांची टीम व सर्व कर्मचारी वर्गाचे आभार मानले.
