‘किसन वीर’चा दसऱ्याला बॉयलर प्रदिपन समारंभ
दि. ३०/९/२५ : भुईज येथील किसन वीर सातारा सहकारी साखर कारखान्याचा सन २०२५-२६ च्या गळित हंगामाचा बॉयलर अग्निप्रदिपन समारंभ दसऱ्याच्या शुभमुहर्तावर गुरूवार (दि.२) सकाळी ११.३० वाजता राज्याचे मदत, पुनर्वसन मंत्री तथा पालकमंत्री बुलढाणा जिल्हा व कारखान्याचे चेअरमन नामदार मकरंदआबा पाटील व त्यांच्या सुविद्य पत्नी सौ. अर्चनाताई मकरंद पाटील यांच्या शुभहस्ते होणार असल्याची माहिती, किसन वीर कारखान्याचे व्हाईस चेअरमन प्रमोद शिंदे यांनी दिली.
याबाबत प्रसिद्वीस दिलेल्या पत्रकात म्हटले आहे, किसन वीर व किसन वीर-खंडाळा या दोन्ही कारखान्यावरील तोडणी यंत्रणाही लवकरच कार्यस्थळावर दाखल होणार असुन दोन्ही कारखान्यातील अंतर्गत कामेही पुर्णत्वास गेलेली आहेत. त्यामुळे निर्धारित वेळेत किसन वीर व खंडाळा कारखाना सुरू होऊन शेतकऱ्यांचा ऊसही वेळेत तुटणार असल्याचे श्री. शिंदे यांनी सांगितले आहे.
या बॉयलर अग्नि प्रदिपन समारंभास कारखाना कार्यक्षेत्रातील सर्व सभासद बंधू-भगिनी, हितचितक, कंत्राटदार, वाहन मालक आणि कार्यकर्त्यानी उपस्थित रहावे, असे आवाहन व्हाईस चेअरमन प्रमोद शिदे, कार्यकारी संचालक जितेंद्र रणवरे व कारखान्याच्या संचालक मंडळाने केले आहे.
