तरुणाईचा आदर्श – उद्योजक अमर कोल्हापुरे
वाई शहरास ऐतिहासिक, सांस्कृतिक आणि शैक्षणिक परंपरा लाभलेली भूमी आहे. या भूमीतून अनेक नामवंत व्यक्तिमत्त्वे घडली आहेत. त्याच वाई नगरीतील उत्कर्ष नागरी सहकारी पतसंस्था वाई चे संचालक आणि तरुण उद्योजक म्हणून अमर कोल्हापुरे यांनी आपली स्वतंत्र छाप पाडली आहे.आज त्यांच्या वाढदिवसानिमित्त हा लेख सादर करताना त्यांचा संघर्ष, प्रगतीचा प्रवास आणि समाजासाठी असलेली बांधिलकी यांचा आढावा घेणे महत्त्वाचे ठरते.
संघर्षातून उभी राहिलेली वाटचाल
अमर कोल्हापुरे यांच्या आयुष्याला प्रेरणादायी दिशा देणारे व्यक्तिमत्त्व म्हणजे स्वर्गीय आनंद कोल्हापुरे. त्यांनी समाजाशी जिव्हाळ्याचे नाते ठेवत कार्य केले. त्यांचा प्रामाणिकपणा, कष्टाळूपणा आणि समाजाभिमुख विचारसरणी याचाच वारसा आज अमर कोल्हापुरे सक्षमपणे पुढे नेत आहेत.वडिलांचे कार्य, मूल्ये आणि सामाजिक बांधिलकी जपत अमर कोल्हापुरे यांनी तो वारसा अधिक भक्कम आणि सक्षम केला आहे.त्यांच्या आई अनुराधा कोल्हापुरे यांचे संस्कार हेही त्यांच्या यशाचे मोठे बळ आहे.आईने लहानपणापासूनच शिस्त, माणुसकी, नम्रता आणि परिश्रमाचे महत्त्व शिकवले.
“कष्टाशिवाय यश नाही, आणि नम्रतेशिवाय मान नाही” हा बोध त्यांनी आईकडूनच घेतला.आईच्या संस्कारांमुळेच आज अमर कोल्हापुरे यांचे व्यक्तिमत्त्व सुसंस्कारित, समाजाभिमुख आणि माणुसकी जपणारे बनले आहे.
लहानपणापासूनच मेहनत, चिकाटी आणि जिद्द या गुणांचा वारसा त्यांना लाभला. शिक्षण घेत असतानाच त्यांनी उद्योजकतेचा मार्ग निवडण्याचा निर्धार केला. कारण, नोकरीपेक्षा रोजगारनिर्मिती हीच खरी गरज आहे हे त्यांना जाणवले होते.आज त्यांच्या प्रयत्नांतून फक्त स्वतःचे नव्हे तर अनेकांचे जीवन बदलले आहे.
यशाची गुरुकिल्ली – प्रामाणिकपणा व पारदर्शकता
व्यवसाय क्षेत्रात यशस्वी होण्यासाठी भांडवलाइतकीच महत्त्वाची गोष्ट म्हणजे विश्वासार्हता. अमर कोल्हापुरे यांनी प्रामाणिकपणा, पारदर्शकता आणि वेळेचे काटेकोर पालन या मूल्यांवर आपला व्यवसाय उभारला. त्यामुळेच त्यांनी ग्राहक, सभासद आणि समाजातील सर्वसामान्य लोकांचा लवकरच विश्वास संपादन केला.उत्कर्ष पतसंस्थेच्या माध्यमातून त्यांनी समाजातील सामान्य माणसाला आर्थिक मदतीचे, बचतीचे आणि प्रगतीचे व्यासपीठ उपलब्ध करून दिले.
तरुणाईसाठी प्रेरणादायी उद्योजक
अमर कोल्हापुरे यांचे व्यक्तिमत्त्व हे केवळ उद्योजकतेपुरते मर्यादित नाही. “तरुणाईने नोकरीच्या मागे न लागता व्यवसायाकडेही धाडसाने पाऊल टाकले पाहिजे” हा त्यांचा ठाम विश्वास आहे. त्यांच्या कार्यपद्धतीमुळे अनेक तरुणांनी रोजगार आणि उद्योग व्यवसाय सुरू करण्याची प्रेरणा घेतली आहे.
त्यांच्या मार्गदर्शनाखाली तरुण पिढीला आर्थिक सल्ला, योग्य दिशा आणि मानसिक पाठबळ मिळत असल्याने त्यांचा प्रभाव फक्त वाईपुरता मर्यादित न राहता संपूर्ण पश्चिम महाराष्ट्रात जाणवतो आहे.
समाजकारण आणि सामाजिक बांधिलकी
व्यवसायासोबतच सामाजिक जबाबदारी पार पाडणे ही खरी उद्योजकतेची ओळख असते. अमर कोल्हापुरे हे विविध सामाजिक, शैक्षणिक, सांस्कृतिक आणि क्रीडा उपक्रमांत सक्रियपणे सहभागी होतात. गरजूंना मदत करणे, विद्यार्थ्यांना शैक्षणिक साधने उपलब्ध करून देणे, तरुणांना क्रीडाक्षेत्रात प्रोत्साहन देणे, हे त्यांचे कार्य विशेषत्वाने अधोरेखित होते. वाई फेस्टिवलला ग्लोबल स्वरूप देण्याचे संपूर्ण श्रेय युवा उद्योजक अमर कोल्हापुरे यांना जाते. वाई जिमखाना मधून तयार झालेले खेळाडू आज आंतरराष्ट्रीय पातळीवर नाव चमकवत आहे. अमर कोल्हापुरे यांनी घेतलेली मेहनत यामुळे अधोरेखित होत आहे.
गौरव आणि मान्यता
अमर कोल्हापुरे यांनी केलेल्या कार्याची दखल विविध संस्थांनी घेतली आहे. तरुण उद्योजक म्हणून त्यांना मिळालेल्या सन्मानामुळे वाई नगरीचा अभिमान अधिक वाढला आहे. त्यांचे नेतृत्वगुण, दूरदृष्टी आणि संवादकौशल्य यामुळे उत्कर्ष पतसंस्थेला नवे पर्व गवसले आहे.
वाढदिवसाच्या शुभेच्छा
अशा या तरुण उद्योजकाचा आज वाढदिवस. समाजहितासाठी सदैव तत्पर असणाऱ्या अमर कोल्हापुरे यांना आरोग्य, आयुष्य आणि कार्यात उत्तरोत्तर प्रगती लाभो, हीच सदिच्छा. त्यांच्या कार्याचा विस्तार होत राहो, आणि तरुणाईला नवनवीन प्रेरणा मिळत राहो, हा शुभेच्छांचा संदेश.
अली मुजावर,( न्युज हेड सातारा न्यूज मीडिया सेवन )
