कराड उत्तरमधील तांडावस्तीसाठी १ कोटींचा निधी-आ.मनोजदादा घोरपडे
कराड -कराड उत्तर विधानसभा मतदारसंघाचे आ. मनोजदादा घोरपडे यांनी वेळोवेळी केलेल्या प्रयत्नामुळे वसंतराव नाईक तांडा वस्ती सुधार योजना २०२५-26 अंतर्गत बंदिस्त गटर व रस्ता काँक्रीटीकरण करणे १ कोटी रुपयांचा निधी मंजूर झाल्याची माहिती कराड उत्तरचे आ. मनोजदादा घोरपडे यांनी दिली.
समाजातील प्रत्येक घटक हा मूळ प्रवाहात आला पाहिजे. सर्व वाड्या वस्ती तांडा वस्तीतील नागरिकांना सुख सुविधा मिळाल्या पाहिजेत. समाजातील शेवटच्या घटकापर्यंत लाभ मिळवण्याच्या संकल्पनेतूनच कराड उत्तर मधील खालील गावांना विकास निधी उपलब्ध झालेला आहे.
नवीन कवठे येथे उमाजी नाईक नगर येथे रस्ता काँक्रेट करणे 10 लक्ष, बेलवडे हवेली येथे उमाजी नाईक नगर रामोशी वस्ती येथे रस्ता काँक्रेट करण करणे 15 लक्ष, तळबीड बेलदार वस्ती येथे गटर व रस्ता कॉंक्रिट करणे 6 लक्ष, भोसलेवाडी येथे बेघर वस्तीमध्ये रस्ता कॉन्क्रीट करणे 9.50 लक्ष, डिचोली येथे जगदंब नगर कडे येणारा मुख्य रस्ता कॉन्क्रीट करणे 10 लक्ष, हजारमाची येथील सदाशिव कॉलनीमध्ये रस्ता कॉंक्रिट करणे 9.51 लक्ष, रिसवड येथे धनगर वस्तीमध्ये रस्ता काँक्रेट करणे 10 लक्ष, वडोली भीकेश्वर येथे रामोशी वस्ती मध्ये रस्ता कॉंक्रिट करणे 10 लक्ष, करवडी येथे नंदीवाले वस्तीमध्ये रस्ता काँक्रेट करणे 10 लक्ष, इंदोली येथे नंदीवाले वस्ती येथे रस्ता कॉंक्रिट करणे 10 लक्ष या कामामुळे वस्तीतील स्वच्छता सुधारून लोकांचे आरोग्य चांगले होणार असून दळणवळणासाठी सुख सुविधा उपलब्ध होणार आहेत. लवकरच उर्वरित गावातील तंडावस्तीना निधी उपलब्ध होणार असल्याची माहिती आ. मनोजदादा घोरपडे यांनी दिली. तसेच ज्या गावचे आराखडा झाले नसतील त्या गावचे तांडा वस्तीचे आराखडा बनवून घ्यावा असे आवाहन आ.मनोजदादा घोरपडे यांनी केले आहे.
